‘’Хүнсний аюулгүй байдлыг хангахад - Иргэн таны оролцоо’’ аян, урьдчилан сэргийлэх хяналт шалгалтын хүрээнд Өвөрхангай аймгийн Мэргэжлийн хяналтын газраас хүнсний худалдаа, үйлчилгээ эрхлэгчдийн эрүүл мэндийн үзлэг, шинжилгээнд хамрагдсан байдлыг шалгаж байна. Энэ хүрээнд хүнсний зах, хүнсний худалдаа, хоол үйлдвэрлэл болон ЕБС-ийн I-V ангийн багш, цэцэрлэг, өдөр өнжүүлэх, хүүхэд харах үйлчилгээ эрхлэгч иргэдийн эрүүл мэндийн урьдчилан сэргийлэх үзлэг шинжилгээнд хамрагдсан байдлыг Бүсийн оношилгоо, эмчилгээний төвийн лаборатори болон эмч нарын бүртгэлтэй тулгалт хийж байгаа аж.