Шударга өрсөлдөөн, хэрэглэгчийн төлөө газар

АЛБАН ШААРДЛАГЫН ДАГУУ “ТАВАН ТОЛГОЙ ТҮЛШ” ХХК БҮТЭЭГДЭХҮҮНИЙХЭЭ ХАЯГ ШОШГЫГ ШИНЭЧИЛЛЭЭ.

Нэмэгдсэн: 2019-11-04 15:12:37

АЛБАН ШААРДЛАГЫН ДАГУУ “ТАВАН ТОЛГОЙ ТҮЛШ” ХХК БҮТЭЭГДЭХҮҮНИЙХЭЭ ХАЯГ ШОШГЫГ ШИНЭЧИЛЛЭЭ.
Тус газраас хэвлэл мэдээллийн хэрэгслээр гарсан мэдээлэлд үндэслэн сайжруулсан түлштэй холбоотой асуудлаар хяналт шалгалтын ажлыг зохион байгуулсан билээ. Хяналт шалгалтаар “Таван толгой түлш” ХХК-ийн худалдан борлуулж буй сайжруулсан шахмал түлшний хаяг шошгожилт нь Хэрэглэгчийн эрхийг хамгаалах тухай хуульд зааснаар үйлдвэрлэгч нь бараа, бүтээгдэхүүнээ зах зээлд нийлүүлэхдээ түүнийг хэрэглэх заавар, хадгалах, тээвэрлэх, ашиглахад дагаж мөрдөх аюулгүйн зааварчилгаа, анхааруулга, үйлдвэрлэсэн он, сарыг худалдааны баримт бичиг, хаяг, шошго дээр хэрэглэгчид ойлгомжтой, хэрэглэхэд хялбар байхаар тусгана гэж заасныг мөрдөөгүй нөхцөл байдал тогтоогдсон.
Иймд Хэрэглэгчийн эрхийг хамгаалах тухай хууль тогтоомжийг үйл ажиллагаандаа мөрдөж ажиллах талаар Улсын байцаагчийн албан шаардлага хүргүүлсэний дагуу тус компаний зүгээс сайжруулсан шахмал түлшний хаяг шошгожилтод анхаарч шаардлагын дагуу шинэчлэн өөрчилж, худалдаанд гаргасан байна.
ШУДАРГА ӨРСӨЛДӨӨН, ХЭРЭГЛЭГЧИЙН ТӨЛӨӨ ГАЗАР
УТАС: 1800-1284
Санал болгож байна
2019-11-04 15:24:07

2019-11-04 15:22:41

Төрийн байгууллагуудын мэдээлэл