Цусаа өгч амьдрал бэлэглэлээ

Нэмэгдсэн: 2013-06-14 10:30:16

Цусаа өгч амьдрал бэлэглэлээ

Дэлхийн цусны донорын өдрийг угтан цусаа өгч амьдрал бэлэглэх сайн үйлсийн арга хэмжээг дүүргийн Засаг даргын 2013 оны 212 тоот захирамжийн хүрээнд Цус сэлбэлт судлалын үндэсний төв “ТЭСО” корпорацитай хамтран 6 дугаар сарын 10-ны өдөр зохион байгууллаа.

Тус арга хэмжээний үеэр аюулгүй цус, цусан бүтээгдэхүүний талаар мэдлэг хандлагыг дээшлүүлэх сурталчилгаа хийж, дүүргийн нутаг дэвсгэрийн төрийн болон төрийн бус байгууллага, аж ахуйн нэгж, олон нийт сайн дураараа авлагагүйгээр цусаа бэлэглэх

үйлсэд нэгдэн өргөнөөр оролцсоноор цусны донорын эгнээг өргөжүүлсэн хүмүүнлэгийн арга хэмжээ болсон. Энэхүү “Цусаа өгч амьдрал бэлэглэе” аянд Сонгинохайрхан дүүргийн Засаг даргын Тамгын газар, Нэгдсэн эмнэлэг, иргэний бүртгэлийн тасаг, “ТЭСО” корпораци бусдыгаа хошуучлан оролцож, 150 гаруй хүн цусаа өгч амьдрал бэлэглэв. 

Төрийн байгууллагуудын мэдээлэл